काठमाडौं । फिल्म ‘रानीमहल’को फष्टलुक सार्वजनिक भएको छ । कोरोनाको कहरका कारण सरकारले देशभर लकडाउन गरेको कारण निर्माण पक्षले सामाजिकसंजाल मार्फत फिल्मको एक पोष्टर फष्टलुकको रुपमा सार्वजनिक गरेको हो ।
सार्वजनिक फष्टलुकमा फिल्मका कलाकार प्रितमराज सेन्चुरी, निकिता चान्डक, साहिल श्रेष्ठ र मानस्वी खरेल देखिएका छन् । फिल्मको छिट्टै टिजर सार्वजनिक गरिने निर्माण युनिटले जनाएको छ ।स्वस्तिक फिल्मस्को ब्यानरमा बिमल भुसालले निर्माण गरेको यस फिल्ममा दिपक पौडेलको पटकथा तथा सबाद, निरज कंडेलको छायांकन र हिमाल के.सीको द्वन्द निर्देशन रहेको छ ।फिल्ममा प्रितम, निकिता, साहिल र मनस्वीको अलवा नीर शाह, बिएस राणा, अर्जुनजंग शाही, सुष्मिता केसी., रश्मि भट्ट, आरबि पन्त, बिष्णु सापकोटा, भोला शाह लगायतको अभिनय देख्न सकिन्छ ।
हिमाल न्यौपानेको निर्देशन रहेको फिल्म कोरोनाको कहर सामान्य भएपछि प्रदर्शनमा ल्याइने बताइएको छ