प्रदेश नम्बर १ का ७८ जनाले जिते कोरोना, आजै ३० जना डिस्चार्ज

विराटनगर । प्रदेश नम्बर १ बाट बिहीबारसम्म ७८ जना कोरोनाभाइरस (कोभिड—१९) संक्रमणमुक्त भएका छन् ।
बिहीबारमात्रै ३० जनाले कोरोनालाई जितेर घर फर्किएका छन् ।
कोशी अस्पताल कोरोना उपचार केन्द्रबाट २७ जना र वीपी कोइराला स्वास्थ्य विज्ञान प्रतिष्ठान धरानबाट ३ जना गरी आज ३० जनाले कोरोनालाई जितेर घर फर्किएको प्रदेश नम्बर १ को सामाजिक विकास मन्त्रालयले जनाएको छ ।
यसैबीच प्रदेश १ मा आज थप १६ जनालाई कोभिड—१९ पुष्टि भएको छ । यो सँगै प्रदेश १ मा जम्मा कोभिड—१९ पुष्टि भएको संख्या २०१ पुगेको छ ।
हाल १२३ जना कोभिड–१९ पुष्टि भएकाहरुको उपचारर भइरहेको छ।

एक पटक पढ्नुहोस