पोखरा स्वास्थ्य विज्ञान प्रतिष्ठानको इमर्जेन्सी बाहेकका सेवा बन्द हुने

पोखरा – कोरोना संक्रमितको ज्यान गएपछि पोखरा स्वास्थ्य विज्ञान प्रतिष्ठानले इमर्जेन्सी बाहेकको सबै सेवा बन्द गर्न लागेको छ । एक दिनको लागि ओपीडी बन्द गर्न लागेको अस्पतालले जनाएको छ ।

अस्पतालका निर्देशक डाक्टर अर्जुन आचार्यका अनुसार संक्रमित पुरुषको मृत्यु पछि इमर्जेन्सी बाहेकका सबै सेवा बन्द गरिने भएको छ । आज एक दिनको लागि मात्रै अन्य सेवा बन्द गरिने उनले जानकारी दिए ।

शव व्यवस्थापन गर्दा संक्रमण फैलिन सक्ने हुँदा एक दिनको लागि ओपीडी बन्द गर्न लागिएको उनले जानकारी दिए । ‘ओपीडी र आइसोलेसन पनि नजिकै छ । शव व्यवस्थापन गर्दा संक्रमण नफैलियोस् भनेर आज एक दिनको लागि इमर्जेन्सी मात्रै खुल्ला गर्न भनेका हौं,’ उनले भने ।

गए राति ११ बजेर ३५ मिनेट जाँदा कोरोना संक्रमित पुरुषको ज्यान गएको थियो । उनको शव व्यवस्थापनको तयारी भई रहेको निर्देशक डाक्टर आचार्यले जानकारी दिए ।

एक पटक पढ्नुहोस