तनहुँमा फेरि थपिए संक्रमित, गण्डकी प्रदेशमा संक्रमितको संख्या ५६ पुग्यो

पोखरा – तनहुँमा कोरोना संक्रमित थपिएका छन् । तनहूँको ऋषिङ गाउँपालिकाका दुई पुरुषमा कोरोना पुष्टि भएको स्वास्थ्य निर्देशनालय गण्डकीले जनाएको छ ।

यसअघि पनि तनहूँको ऋषिङ गाउँपालिकाका एक पुरुषमा कोरोना पुष्टि भएको थियो । ऋषिङ गाउँपालिका स्थित क्वारेन्टिनमा बसेका दुई जना ३९ र ४० वर्ष उमेरका पुरुषलाई संक्रमणको पुष्टि भएको निर्देशनालयले जानकारी दिएको छ  ।

संक्रमित दुवै जनालाई जिल्लास्थित सरकारी अस्पतालमा रहेको आइसोलेसन कक्षमा ल्याउने तयारी भईरहेको स्वास्थ्य निर्देशनालयका निर्देशक डाक्टर विनोद विन्दु शर्माले जानकारी दिए ।

तनहूँमा दुई संक्रमित थपिएसँगै गण्डकी प्रदेशमा कोरोना संक्रमितको संख्या ५६ पुगेको छ ।

एक पटक पढ्नुहोस