काभ्रे /
काभ्रेको बनेपामा रहेको बेलर इनटरेशनल एकेडेमीले ब्याचलर इन प्रोफेशनल हस्पिटालिटी (बिपिएच) कार्यक्रम सञ्चालनमा ल्याएको छ । काठमाडौं विश्वविद्यालय र ग्लेसियर एजुकेशनल फाउन्डेसन बेलर इन्टरनेशनल एकेडेमी, बनेपाको होल्डिङ कम्पनीको संयुक्त कार्यक्रममा यो सञ्चालनमा आएको बताइएको छ ।
हालै मात्र काठमाडौं विश्वविद्यालयले विश्व–विश्व प्रदान गर्ने उद्देश्यले विकसित गरेको अत्याधुनिक डोमेन कोर्ष प्रदान गर्दै आएको र हस्पिटालिटी म्यानेजमेन्ट (HM) को क्षेत्रमा अघिल्ला कार्यक्रमहरूको तुलनामा इन्टर्नशिप मोडालिटीमा सूक्ष्म भिन्नताहरू सहित शुलभ लागतमा मान्यता प्राप्त गुणस्तर, सीप र योग्यतामा आधारित आतिथ्य व्यवस्थापन र पर्यटनमा कक्षा उच्च शिक्षा। सुरु गरेको एकेडेमीका प्रमूख भोला थापाले जानकारी दिए ।
उनका अनुसार काठमाडौं युनिभर्सिटी स्कुल अफ म्यानेजमेन्ट (कुसोम) ले ग्लोबल एकेडेमी अफ टुरिजम एन्ड हस्पिटालिटी एजुकेशन (गेट) सँगको सहकार्यमा २०२१ बाट काठमाडौंमा ३० संख्यामा विद्यार्थी भर्ना भएको बीपीएच कोर्सलाई सहयोगी कार्यक्रमको रूपमा प्रस्ताव गरिसकेको र यसबाट विशेष गरी काभ्रे र देशका अन्य भागहरूका विद्यार्थीहरूका लागि आतिथ्य र पर्यटन शिक्षालाई पहुँचयोग्य बनाउने लक्ष्यका साथ थप ३० जनाको संख्याका विद्यार्थीहरूलाई सिट उपलब्ध रहेको बताए ।
केयू–ग्लेशियर संयुक्त कार्यक्रमको मुख्य उदेश्य भनेको आतिथ्य व्यवस्थापन र पर्यटनमा विश्व स्तरको उच्च शिक्षाको प्रवर्द्धन र वितरण गर्ने तत्काल आवश्यकतालाई सम्बोधन गर्नु रहेको बताइएको छ । एकेडेमीले पढ्न इच्छुक विद्यार्थीहरूलाई अन्य सहर वा देशहरूमा बसाइँसराइ नगरी उनीहरूको गृहनगरमा उच्च शिक्षा डिग्रीको लागि व्यावहारिक आधारमा गुणस्तरीय शिक्षा पाउने अवसर प्रदान गर्ने व्यवस्थापन समेत गर्ने जनाएको छ ।
उक्त कोर्षमा आतिथ्य व्यवस्थापन जसमा खाना, आवास र खानपान लगायतका सेवाहरूको विस्तृत दायरालाई समेट्नेछ ।, यसमा होटल, रिसोर्ट, फास्ट फूड चेन, रेस्टुरेन्ट र बार आदि जस्ता आतिथ्य उद्योगहरूले स्थानीय र विदेशमा आफ्नो व्यवसाय विस्तार गर्नै कुरालाई समेत कार्सले प्राथामिकता दिने बताइएको छ कोर्समा आवश्यक प्रयोगशालामा आधारित कार्यहरू र सुपरिवेक्षण गरिएको इन्टर्नशिपसहितको मूल पाठ्यक्रम पूरा भएपछि स्नातकहरूलाई सम्बन्धित क्षेत्रमा विभिन्न अवसरहरू खोजी गर्ने बताइएको छ ।
यसअघि बेलर इन्टरनेशनल एकेडेमीमा चार्टड एकाउन्टेन्टका लागि अनलाईन कक्षा शुरु गरिएको थियो । डिजिटल एजुकेशन पार्टनरसिप कार्यक्रमका लागि ब्रिजवाटर एकेडेमी अफ फाईनान्स एण्ड एकाउन्टीङ्ग प्राली र बेलर एकेडेमीबीच सम्झौता पत्रमा हस्ताक्षर भएको थियो ।
बेलर एकेडेमीका प्रिन्सिपल इन्दु थापा र व्रिजवाटर एकेडेमीका म्यानेजिङ्ग डाईरेक्टर दिपक कायश्थबीच कार्यक्रमका सन्दर्भमा सम्झौता पत्रमा हस्ताक्षर भई कार्यक्रम सञ्चालनमा रहेको थियो । २०१० मा बेलरबाट एसएलसी सकाएका कायश्थले कक्षा १२ सम्म सोहि विद्यालयबाट अध्ययन गरेका थिए ।
यसैबीच दशैँ बिशेष एक शुभकामना आदान प्रदान कार्यक्रममा संस्थापक प्रमूख भोला थापाले आफ्ना स्व. बुवा खड्ग बा थापा र स्व. मामु मैया थापाको स्मृतिमा हरेक बर्ष नेपाल पत्रकार महासंघ मार्फत मापदण्ड बनाएर १ जना काभ्रेली पत्रकारलाई रु २० हजार बराबरको पुरस्कार राशी दिने घोषणा गरेका छन् ।
पुरस्कार हरेक बर्ष दशैँमा बितरण गरिने र संरक्षक ग्यासियर रहने बताइएको छ । उनले आफ्नो विगत सम्झँदै पत्रकारको हितको लागि यो पुरस्कार कोषको स्थापना गरिएको बताए । कार्यक्रममा नेपाल पत्रकार महासंघका पूर्वअध्यक्षहरु क्रियासिल पत्रकार र एकेडेमीका स्टाफहरुबीच शुभकामना आदान प्रदान चलेको थियो ।