चौरजहारी घटनाबारे अध्ययन प्रतिवेदन सभामुखलाई बुझाइने

काठमाडौं । रुकुम पश्चिम जिल्लाको चौरजहारी नगरपालिकास्थित सोती घटना छानविनका लागि गठित संसदीय विशेष समितिले मंगलबार आफ्नो अध्ययन प्रतिवेदन बुझाउँदैछ ।

समितिले मंगलबार दिउँसो ४ बजे सिंहदरबारमा सभामुख अग्नी सापकोटालाई प्रतिवदेन बुझाउन लागेको सभामुखको सचिवालयले जनाएको छ ।

२०७७ जेठ २६ गते बसेको प्रतिनिधि सभा बैठकले रुकुम पश्चिम जिल्लाको चौरजहारी घटनाको यथार्थ अध्ययन तथा अनुगमन गरी प्रतिवेदन पेश गर्न सांसद देवेन्द्र पौडेलको संयोजकत्वमा नौ सदस्यीय संसदीय विशेष समिति गठन गरेको थियो ।

समितिलाई कार्यप्रारम्भ भएको मितिले एकमहिना भित्र प्रतिवेदन तयार गरि पेश गर्न कार्यादेश थियो । रुकुम घटनामा ६ जनाको ज्यान गएको थियो ।

एक पटक पढ्नुहोस