काठमाडौँ सहित देशका मूख्य शहरका विद्यालय बन्द गर्ने सरकारको निर्णय !

काठमाडौँ – सरकारले देशका मूख्य शहरहरुका विद्यालय बन्द गर्ने निर्णय गरेको छ। सोमबार बसेको मन्त्रिपरिषद्को बैठकले शहरी क्षेत्रमा विद्यालय बन्द गर्ने निर्णय गरेको हो।

सोमबारको बैठकले कोरोनाको दोस्रो लहरको रोकथामका लागि देशका मूख्य शहरका विद्यालय तथा शैक्षिक संस्थाहरू बन्द गर्ने निर्णय गरेको छ। सरकारले गरेको निर्णय अनुसार विद्यालय बन्द रहेपनि अनलाइन पठन-पाठन पनि जारी रहनेछ।कोरोना भाइरसको जोखिम बढेपछि केहि दिन अगाडी मात्र कोभिड-१९ संकट व्यवस्थापन केन्द्र (सीसीएमसी)ले शहरी क्षेत्रमा विद्यालय बन्द गर्न सिफारिस गरेको थियो।

संसद अधिवेशन अन्त्य गर्ने सरकारको निर्णय

सरकारले संसद्‌ हिउँदे अधिवेशनको अन्त्य गर्ने निर्णय गरेको छ। सोमबार बसेको मन्त्रिपरिषद बैठकले संसद्‌ हिउँदे अधिवेशन अन्त्य गर्न राष्ट्रपतिसमक्ष सिफारिस गर्ने निर्णय गरेको हो।सोमबार बिहान बसेको बैठकले चालू हिउँदे अधिवेशन आज दिउँसो १ बजेबाट अन्त्य गर्न राष्ट्रपतिसमक्ष सिफारिस गरेको छ। केहि दिन भित्रै बजेट अधिवेशन शुरु गर्नको लागि हिउँदे अधिवेशनको अन्त्य गरिएको बुझिएको छ।

मन्त्रिपरिषदको सिफारिसमा राष्ट्रपतिले संसद अधिवेशन आह्वान र अन्त्य गर्ने संवैधानिक व्यवस्था छ। जेठ १५ गते बजेट ल्याउनु पर्ने संवैधानिक व्यवस्था अनुसार बजेट अधिवेशन शुरु गर्नको लागि हिउँदे अधिवेशन अन्त्य गर्नको लागि सिफारिस गरिएको नेपाल सरकारका प्रवक्ता एवम् सञ्चार तथा सूचना प्रविधि मन्त्री पार्वत गुरुङले बताए।

एक पटक पढ्नुहोस