ट्रयाजिडी क्विनका रुपमा चर्चित बलिउड अभिनेत्री मीना कुमारीले सफलताको त्यस्तो इतिहास रचिन्, यसको भोक हरेक अभिनेत्रीलाई हुन्छ । तर, यस्तो सफलताका बाबजुद पनि उनको जीवन सुखी थिएन ।
मीना कुमारीको जन्म १ अगस्ट १९३३ मा भएको थियो । उनको वास्तविक नाम महजबीं बानो थियो । अभिनेत्री हुनुका साथै उनी एक चर्चित प्ले ब्याक सिंगर पनि थिइन् ।
बाबुले अनाथालयमा छाडिदिएका थिए
मीनाकुमारी जन्मिएपछि उनका बाबु निकै दुखी भएका थिए । उनलाई एक छोरा चाहिएको थियो । यहीकारण उनले मीनालाई जन्मनासाथ अनाथालयमा लगेर छाडे । तर, जब विछोडका कारण मीनाकी आमाको हालत खराब भयो, तब छोरीलाई फेरि घर फर्काए ।
घरको आर्थिक स्थिती खराब भएकाले सानैदेखि उनले काम गर्नुप¥यो । फिल्ममा काम गर्नुभन्दा पहिले मीनाकुमारीले हिन्दीका धार्मिक शृंखलाहरुमा काम गरिन्, जहाँ उनले प्रायः देवीको भूमिका निभाइन् ।
यसपछि मिनाले फिल्ममा इन्ट्री गरिन् र सिनेमा जगतमा इतिहास बनाइन् । मिना ती अभिनेत्रीहरुमध्ये एक थिइन्, जसलाई पार्टी गर्न मन थिएन ।
केवल १९ वर्षमा विवाह
मीनाकुमारीले प्रेम विवाह गरिन्, तर लामो समय टिकेन । तमाशा फिल्मका दौरान मिनाकुमारीको भेट चर्चित निर्देशक कमाल अमरोहीसँग भएको थियो, यसपछि अमरोहीले मीनालाई फिल्म ‘अनारकली’ अफर गरे ।
फिल्म सुटिङ सुरु हुनअघि नै मीना सडक दुर्घटनामा परिन् । जब अमरोहीलाई यसको सुचना मिल्यो, तब उनी मीनासँग भेट्नका लागि अस्पताल पुगे र सम्बन्धको सुरुवात यहींबाट भयो ।
अमरोही र मीनाले एकअर्कालाई पत्र लेख्न थाले, उनीहरुबीच फोनमा पनि लामो कुराकानी हुन थाल्यो । अमरोहीको प्रेममा निकै डुबेकी मीनाले १९ वर्षको उमेरमै बिहे गरिन् ।
यस समय अमरोही ३४ वर्षका थिए र यसभन्दा पहिले नै विवाहित थिए । उनका तीन सन्तान समेत थिए । यसका बाजबुद मीनाले गोप्य ढंगले अमरोहीसँग बिहे गरिन् ।
जब मीनाका पितालाई यसको जानकारी भयो , तब उनले अमरोहीसँग सम्बन्ध–विच्छेद गर्न दबाब दिए । तर, मीनाले पिताको कुरालाई मानिनन् ।
यसपछि मीनाका पिताले घर छाड्न भने । मीनाले पतिका लागि बाबुको घर पनि छाडिन् ।
बिहेपछि पनि मीनाले फिल्ममा काम गरिरहिन् । उनी सुपरस्टार बनिन् । यो कुरा अमरोहीलाई मन परिरहेको थिएन । आफ्नी पत्नीले फिल्ममा काम नगरोस् भन्ने उनको चाहना थियो ।
मीनालाई उनले धेरै कडाई गर्न थाले । उनले साँझ ६ः३० सम्म काम सकेर घर आउन भन्थें । त्यसैगरी सुटिङका दौरान मीनाको मेकअप रुममा कोही पूरुष उपस्थित हुन नहुने उनको शर्त थियो । मीनाले आफ्ना पतिका यी शर्तहरु मानिरहेकी थिइन् । तर, यसका बाबजुद उनीहरुको सम्बन्ध लामो टिक्न सकेन र सम्बन्ध–विच्छेद भयो । भनिन्छ, एकपटक गुल्जार मीनाको मेकअप रुममा छिरेका थिए र यहीकारण उनको वैवाहिक जीवन टुट्यो ।
निद्राको औषधी
तनावका कारण मीनाले निद्राको औषधी सेवन गर्थिंन् । पुस्तक ‘मीना कुमारी ः द क्लासिक बायोग्राफी’ मा उल्लेख भएअनुसार मीनालाई उनका डाक्टरले निद्राको औषधीको साटो दैनिक एक पेग ब्रान्ड लिन सल्लाह दिए ।
बिस्तारै मीनालाई ब्रान्डीको लत नै लाग्यो र रक्सीकै लतका कारण ३१ मार्च १९७२ मा उनको ज्यान गयो । यतिबेला मीनाकुमारीको उमेर केवल ३८ वर्ष थियो ।