प्रधानमन्त्रीको महत्वाकाङ्ग्सि योजना

काठमाडौं । प्रधानमन्त्री केपी शर्मा ओलीले दुई वर्षभित्र रेल सेवा संचालनमा ल्याउने दाबी गरेका छन् । रेलसँगै नेपालको पानी जहाज चलाएर आफ्नो मजाक उडाउनेहरुलाई जवाफ दिने उनले बताए ।

शुक्रबार काठमाडौंमा २९ औं राष्ट्रिय औद्योगिक वस्तु तथा प्रविधि प्रर्दशनीको उद्घाटन गर्दै प्रधानमन्त्री ओलीले भने ‘२ वर्षअघि मजाक उडाएका थिए । अब २ वर्षपछि ठट्टा गर्ने मान्छे को हुन् भेटिने छैनन् । किनभने रेल कुद्छ ।’

पानी जहाजको कुरा गर्दा कागजका डुंगा बनाएर प्रधानमन्त्री कार्यालय अगाडि बाल्टीमा पानी हालेर तमासा गरेको भन्दै प्रधानमन्त्री ओलीलेे भने, ‘हुनसक्छ अर्को साल नभए २०७५ साल नेपालको पानी जहाजले झण्डा हालेर कसरी सामान मान्छे बोकेर हिँड्छ हामी देखाउँछौं । रेकर्ड गरेर राखेहुन्छ ।’

एक पटक पढ्नुहोस