शरीरक यी ५ संबेदनशील अंग

नाक, मुख, आँखा लगायत अंगहरुमा थोरै मात्र पनि व्याक्टेरियाको संक्रमण भएमा त्यसले शरीरमा गम्भीर समस्या निम्त्याउन सक्छ । त्यस्ता अंगहरुमा वारम्बार छोएको खण्डमा त्यस्ता व्याक्टेरियाले शरीरमा रोगको संक्रमण निम्त्याउन सक्छ ।

हातका औला

जुनसुकै काम गर्नका लागि पनि हातको आवश्यक्ता पर्दछ । हाम्रो हात, औला तथा हत्केलामा कयौ हानीकारक व्याक्टेरिया तथा भाइरस पाइन्छ । र, त्यही हात तथा औलाले जब आँखा छुन्छौ तब ती व्याक्टेरिया तथा भाइरस आखामा प्रवेश गर्दछन् । र, आँखा चिलाउने, पोल्ने, आखामा जलन हुने लगायतको समस्या निम्त्याउने गर्छन् ।

मुख

खाना खाएपछि दातमा अड्किएको फोहर निकाल्न मानिसहरु अक्सर औलाको प्रयोग गर्दछन् । जबकी मुखभित्रै सिधै हात लैजादा हातमा भएका व्याक्टेरिया मुखमा प्रवेश गर्दछन् । र, मुखमा रहेको व्याक्टेरिया पनि हातमा पुग्ने गर्दछन् ।

यसरी मुखको व्याक्टेरिया बाहिर आउनु र बाहिरको व्याक्टेरिया मुखमा प्रवेश गर्नाले दाँत दुख्ने, सास गन्हाउने, दाँतमा सडन हुने लगायतको समस्या निम्तिने गर्छ ।

नाक

हात र मुखमा झै नाकमा पनि कयौ प्रकारका व्याक्टेरिया र भाइरस हुन्छ । जब हामी नाकमा हात हाल्छौ, नाकभित्र रहेका व्याक्टेरिया हाम्रो हातमा टासिने गर्छ । र, हातमा भएका व्याक्टेरियाले नाकमा प्रवेश गरी सास नली हुँदै फोक्सोसम्म पुग्ने गर्छ, जसका कारण स्वस-प्रश्वास सम्बन्धि विभिन्न प्रकारका समस्या निम्तिने गर्दछ ।

त्यसबाहेक पनि, नाकमा भएका व्याक्टेरियाले मानिसलाई अस्वस्थ समेत बनाउन सक्छ । त्यसैले पनि प्रत्येक पटक नाकमा हात लगिसकेपछि साबुन पानीले राम्ररी हात धुनु पर्छ ।

नङ

हात र मुखमात्र हैन,  हात खु्ट्टाका नङमा समेत विभिन्न प्रकारको हानीकारक व्याक्टेरिया हुने गर्छ । त्यसैले, चिकित्सकहरु समय समयमा हातखुट्टाका नङ काट्न सुझाव दिने गर्छन् । किनकी हात तथा खुट्टाका हानीकारक व्याक्टेरियाले शरीरमा प्रवेश गरेमा पेट तथा पाचन प्रणाली सम्बन्धि कयौ समस्या निम्तने गर्दछ ।

त्यसैले, यस्ता रोगबाट बच्नका लागि पनि सातामा कम्तीमा एक पटक भएपनि हात तथा खुट्टाको नङ अवश्य काट्ने गरौ ।

डन्डिफोर

नाक,मुख, आँखा बाहेक पनि हाम्रो शरीरमा एउटा यस्तो ठाउँ छ, जहाँ नचाहदा नचाहदै पनि हाम्रो हात पुग्ने गर्छ । र, त्यो ठाउँ भनेको डन्डिफोर वरिपरि हो । गाला, निधार वा अनुहारको अन्य कुनै भागमा डन्डिफोर भएमा हाम्रो हात बारम्बार पिम्पल्स भएको ठाउँमा पुग्ने गर्छ  ।

जबकी पिम्पल्स आउने मुख्य कारण भनेकै हानीकारक व्याक्टेरियाका कारण हो । जब हामी बारम्बार पिम्पल्सलाई छुने गर्छौ,  तब डन्डिफोर वरिपरि भएको व्याक्टेरिया शरीरको अन्य भागमा समेत फैलिने गर्छ । र, त्यही ठाउँमा पुन व्याक्टेरिया फैलिएर पिम्पल्स हुने गर्छ । त्यतिमात्र हैन, हातमा व्याक्टेरिया हुने भएको व्याक्टेरियायुक्त हातले बारम्बार अनुहार छुनाले पनि अनुहारमा डन्डिफोर हुने सम्भावना अधिक हुने गर्छ ।

एक पटक पढ्नुहोस