अनुष्का र बिराटको घमन्ड

भारतीय क्रिकेटर बिराट कोहली पहिलेदेखि नै घमन्डी नै हुन् । अभिनेत्री अनुष्का शर्मासित बिहे गरेपछि उनको स्वभावमा केही सुधार आउला कि भन्ने अनुमान थियो, तर त्यस्तो भएन ।

क्रिकेट मैदानमा विपक्षी माथि आक्रामक रवैया देखाउने विराट आफ्ना फ्यानहरुलाई पनि नरम व्यवहार गर्दैनन् । हालै एउटा घटनाले फेरि यसको पुष्टि गरेको छ । बिराट आफ्नी पत्नी अनुष्कालाई अंगालो मार्दै एयरपोर्टबाट निस्कँदै गर्दा एक फ्यानले उनलाई भेट्न खोज्छन् । उनको हातमा एउटा उपहार पनि हुन्छ ।

ती फ्यानले बिराटलाई ‘प्लीज सर’ भन्दै आफ्नो उपहार प्रदान गर्न खोज्छन् । तर, बिराट भने उनीतिर हेर्दा पनि नहेरी ‘सुक्रिया’ भन्दै अगाडि भन्छन् । फ्यानले दिन खोजेको गिफ्ट उनी समाउँदैनन् । न त अनुष्काले नै उनलाई समाउन आग्रह गर्छिन् । फ्यान निराश भएर फर्किन्छन् ।

खासमा ती फ्यानले बिराट र अनुष्काका तस्वीरहरुको कोलाज बनाएर उपहार दिन खोजेका रहेछन् । तर, बिराटको व्यवहारले उनी दुखी भएका छन् । यो घटनाको भिडियो सामाजिक सञ्जालमा आएपछि बिराटको निकै ट्रोल भइरहेको छ ।

फ्यानहरले उनलाई आक्रामक रवैया आफ्नो ब्याटिङमा देखाउन भन्दै फ्यानहरुसँग विनम्र ढंगले पेश हुन सुझाव दिएका छन् । तर, बिराट अरुको सुझाव सुन्ने खालका कहाँ छन् र ।

एक पटक पढ्नुहोस