चन्द्रागिरी हिल्सको १८ करोडको आइपीओ आउँदै

काठमाडौं– चन्द्रागिरी हिल्सको १८ करोड ४० लाख ९१ हजार रुपैयाँ बराबरको आइपीओ आउने भएको छ ।

चन्द्रागिरी हिल्सले उक्त शेयर निस्कासन एवं प्रत्याभुतिका लागि नागरिक लगानी कोषसँग संझौता गरेको छ ।

आइतबार सम्झौतामा नागरिक लगानी कोष र चन्द्रागिरी हिल्स लिमिटेड बीच स्थानिय बासिन्दा एवं सर्वसाधारणमा शेयर निस्कासन एवं प्रत्याभुति नियुक्ती गर्ने भनिएको छ ।

चन्द्रागिरी हिल्सको १८ लाख ४० हजार ९ सय १० कित्ता शेयरको १८ करोड, ४० लाख ९१ हजार रुपैया बराबरको सेयर प्रत्याभुत गर्ने सम्झौता भएको हो ।

उक्त प्रत्याभुतिमा कोषको तर्फबाट कार्यकारी निर्देशक रमण नेपाल र चन्द्रागिरी हिल्सको तर्फबाट कम्पनीका महाप्रबन्धक अभिषेक बिक्रम शाहले हस्ताक्षर गरेका छन् ।

एक पटक पढ्नुहोस