दोस्रो पटक गर्भवती छिन् नेहा धुपिया, फोटो सेयर गरेर दिइन् जानकारी

बलिउड नायिका नेहा धुपिया दोस्रो पटक आमा बन्न लागेकी छिन् । तस्बिर पोस्ट गर्दै नेहाले आफ्नो दोस्रो गर्भावस्थाबारे जानकारी दिएकी छिन् । नेहाले इन्स्टाग्राममा श्रीमान् अंगद बेदी र छोरी मेहरसँग फोटो सेयर गर्दै यसबारे बताएकी हुन् । उनका अनुसार यो ‘खुसीको खबर’ सार्वजनिक गर्न उनलाई दुई दिन लाग्यो ।

नेहाले फोटो सेयर गर्दै लेखिन्, ‘क्याप्सन खोजी गर्न हामीलाई दुई दिन लाग्यो… र जुन उत्कृष्ट चिजबारे हामी सोच्न सक्थ्यौं, यो यही हो…. धन्य भगवान ।’

नेहा दोस्रो पटक गर्भवती भएको खबरपछि सानिया मिर्जा, भापना पाण्डे, फराह खान, रोहित रेड्डीसमेत थुप्रै सेलिब्रिटीले नेहा र अंगदलाई बधाई दिएका छन् । फराह खानले स्माइलिङ इमोजीसहित लेखिन्, ‘त्यसो भए म मानिसहरुलाई बताउन सक्छु नि ?’

विवाह भएको ६ महिनामा छोरी जन्माएकी थिइन्ः

स्मरण रहोस्, नेहाको पहिलो गर्भावस्था अत्यधिक चर्चामा आएको थियो । मे सन् २०१८ मा अंगद र नेहाले गोप्य विवाहले सुरुमा त सबैलाई चकित तुल्यायो, त्यसपछि केही दिन पछि नै गरिएको गर्भावस्थाको घोषणाले त विभिन्न प्रश्न नै उब्जाए । विवाहको ६ महिनापछि नोभेम्बर सन् २०१८ मा उनीहरुले आफ्नी जेठी छोरी मेहरलाई घरमा स्वागत गरे ।

एक पटक पढ्नुहोस