रुसमा एकैदिन ११ हजार बढी संक्रमित भेटीएपनी , लकडाउन खुकुलो पारिदै

रुसका राष्ट्रपति भ्लादिमिर पुटिनले मंगलबारदेखि देशभरी लकडाउन खुकुलो पारिने जानकारी दिएका छन् ।

पुटिनको यो निर्णय त्यतिबेला आएको हो जब देशमा पछिल्लो २४ घण्टामा ११ हजार ६ सय ५६ नयाँ संक्रमित भेटिएका छन् ।

पुटिनको यो निर्णय त्यतिबेला आएको हो जब देशमा पछिल्लो २४ घण्टामा ११ हजार ६ सय ५६ नयाँ संक्रमित भेटिएका छन् ।

वर्ल्डोमिटर्सको पछिल्लो आँकडा अनुसार रुसमा हालसम्म २ लाख २१ हजार ३ सय ४४ संक्रमित छन् भने मृतकको संख्या २ हजार ९ रहेको छ ।

फ्रान्स र स्पेनमा राहतः

युरोपमा कोरोना संक्रमणबाट सबैभन्दा धेरै प्रभावित देशमध्ये फ्रान्स र स्पेनले अब लकडाउनमा क्रमशः छुट दिइरहेको छ ।

संक्रमण फैलनबाट रोक्नका लागि यहाँ हालसम्म कडा प्रतिबन्ध लगाइएको थियो ।

ब्राजिलमा ११ हजार बढीको मृत्युः

ब्राजिलमा पछिल्लो २४ घण्टामा ५ हजार ६ सय ३२ कोरोना संक्रमित भेटिएका छन् भने ३ सय ९६ जनाको मृत्यु भएको छ ।

यहाँ हालसम्म संक्रमितको संख्या १ लाख ६९ हजार १ सय ४३ रहेको छ भने ११ हजार ६ सय २५ को मृत्यु भइसकेको छ ।

लेबनानमा पुनः बढे संक्रमितः

लेबनान प्रशासनले कोरोना संक्रमणको दोस्रो लहरबारे चेतावनी जारी गरेको छ ।

यहाँ लकडाउनमा केही राहत दिएपछि एक महिनामा कोरोना संक्रमितको संख्या ह्वात्तै बढेको छ ।

लेबनानमा कोरोना संक्रमितको संख्या ९ सय बढी छ ।

संसारभरी ४२ लाख बढी संक्रमित

संसारभरी कोरोनाभाइरसका ४२ लाख बढी संक्रमित पुगिसकेका छन् । हालसम्म १४ लाख संक्रमित निको भइसकेका छन् ।

वर्ल्डोमिटर्सको पछिल्लो आँकडा अनुसार २ लाख ८७ हजार बढीको मृत्यु भइसकेको छ ।

एक पटक पढ्नुहोस