दाङमा ट्याक्टर दुर्घटना, १ जनाको मृत्यु

बुटवल । दाङमा ट्याक्टर दुर्घटना हुँदा आज १ जनाको मृत्यु भएको छ । जिल्ला प्रहरीका कार्यालयका अनुसार दाङबाट विद्युतको पोल लिएर प्यूठान जाँदै गरेको रा १ त २७७५ नम्बरको ट्याक्टर शनिबार बेलुका दाङको बंगलाचुली गाउँपालिका–१, बोझपोखरामा पल्टिँदा बंगलाचुली–७ हाँशिपुरका चालक २० वर्षीय रामबहादुर बुढाको मृत्यु भएको हो ।

दुर्घटनामा दुई जना घाइते भएका छन् । दुर्घटनामा प्यूठानको स्वर्गद्वारी नगरपालिका–९ सिमले घर भएका सहचालक १८ वर्षीय भेषराज घर्ती मगर र बंगलाचुली–१ बाह्रबिसेका ३२ वर्षीय ईश्वर जिसी घाइते भएका छन् । उनीहरुको राप्ती स्वास्थ्य विज्ञान प्रतिष्ठान घोराहीमा उपचार भइरहेको प्रहरीले बताएको छ । प्रहरीले घटनाको थप अनुसन्धान भइरहेको जनाएको छ ।

एक पटक पढ्नुहोस