अनशन बसेपनि डा. केसीले छाडेनन् बिरामी जाँच्न !

काठमाडौँ – डा.गोविन्द केसी आइतबार देखि अनशनरत छन्। चिकित्सा शिक्षामा सुधार सहित कोरोना भाइरस संक्रमण र त्यसले जनतामा पारेको मार बारे गम्भीर बन्न सरकारलाई दबाव दिन उनी जुम्ला चन्दननाथ नगरपालिका-६ रानिचौरमा रहेको बाबिरा मष्टोको (थान) मन्दिर परिसरमा अनशन बसेका हुन्। उनको यो १९ औँ सत्याग्रह हो।

अनशन बसेपनि उनले बिरामी जाँच्न भने छाडेका छैनन्। जुम्ला चन्दननाथ नगरपालिका-६ रानिचौरमा रहेको बाबिरा मष्टोको (थान) मन्दिर परिसरमै उनी बिरामी जाँच्ने काम गरिरहेका छन्। केसी मन्दिरमा अनशन बसेको थाहा पाएपछि आफ्नो स्वास्थ्य समस्या देखाउन स्थानीयवासी अनशनस्थलमै पुग्ने गरेका छन्।

एक पटक पढ्नुहोस